TSEBA DITOKELO LE MAIKARABELO A GAGO A SEKHWAMA SA INŠORENSE YA GO SE THWALWE (UIF)
Sekhwama sa Inšorense ya go se Thwalwe ke eng?
Sekhwama sa Inšorense ya go se Thwalwe se hlometšwe go fana ka kimollo ya lebakanyana go bašomi, go ya ka mabaka a itšego, ge ba thoma go se šome, goba ba sa kgone go šoma ka lebaka la bolwetši, boimana goba lebaka la ya go ikgodišetša ngwana yo e sego wa madi, le go fana gape ka kimollo go bahlokomelwa ba batsenyaditseka bao a hlokofetšego.
Tšhelete ya go sepediša Sekhwama le go lefela dikholego e hwetšwa bjang?
Sekhwama se se hweletšwa ditšhelete ka ditseka tša kgwedi le kgwedi tša bathwadi le bašomi. Mmušo o na le boikarabelo bja go lefela Sekhwama se, gomme o letetšwe go fana ka thušo ya ditšhelete go thiba ditlhaelelo tše di ka bago gona mabakeng a ge batho ba bantši ba sa šome.
A bašomi ka moka ba swanetše go tsenya setseka Sekhwameng sa Inšorense ya go se Thwalwe?
Go tloga ka la 1 Aporele 2002 bašomi ka moka ba ba šomago diiri tše 24 goba go feta ka kgwedi, ba swanetše go tsenya setseka Sekhwameng se.
Go tloga ka la 1 Aporele 2003, Molao wa Inšorense ya go se Thwalwe o nyaka gore bašomi ba ka malapeng le bathwadi ba bona ba tsenye setseka Sekhwameng se.
Magoro a a latelago a bašomi ga a akaretšwe go ntšheng setseka sa Sekhwama sa Inšorense ya go se Thwalwe:
Bašomi ba ba šomago diiri tša ka tlase ga tše 24 ka kgwedi
Badiredi ba Mmušo bjalo ka ge ba hlalositšwe ka tlase ga karolo ya 1 ya Molao wa Tirelo ya Mmušo, 1994
Bašomi ba ba amogelago Phenšene ya Leago ya kgwedi ka kgwedi go tšwa Mmušong (mogolo wa batšofadi), eupša go sa akaretšwe thušo ya go se itekanele mmeleng goba ya tlhokomelo
Mošomi yo a tsenelago kwano ya thwalo le mothwadi ka maikemišetšo a go tsenela kwano ya thušothuto bjalo ka ge e ukangwa go karolo ya 18 ya Molao wa Tlhabollo ya Mabokgoni wa 1998
Batho bao ba tsenago ka Repabliking ya Afrika Borwa ka morero wa go phethagatša Kwano ya Tirelo, Tlhahlelamošomong goba Thušothutong ka Repabliking ge ba ka re ge ba fetša dikwano tšeo, mothwadi a nyakwa ka molao goba Kwano ya Tirelo, Tlhahlelamošomong goba thušothuto, goba ka kwano efe goba efe ye nngwe, go bušetša mošomi yoo gagabo, goba motho yoo a nyakega gore a tšwe ka Repabliking, gomme mothwadi wa gagwe
Bašomi bao balefšago fela go ya ka poelo yeo ba e dirago.
A o swanetše go tsenya setseka Sekhwameng se ge o gola mogolo wa godimo?
Ee, bašomi ka moka, ntle le bao ba boletšwego ka tlase ga ntlha ya 3.3 ka godimo, ba swanetše go tsenya setseka sekhwameng. Sekhwama se, motheong wa ngwaga ka ngwaga, se bea kelo ya maksimamo ya ditseka tšeo di swanetšego go ntšwa ke batho ba ba golago megolo ye e itšego. Bašomi ka moka ba ba golago ka godimo ga kelo ya maksimamo ye e beilwego ba tla tsenya fela ditseka tša go fihla maksimamo, gomme ge ba thoma go se sa šoma ba tla amogela dikholego ka kelo ya letseno la bona. Se se ra gore mošomi yo mongwe le yo mongwe go tloga legatong la tlasetlase go ya go molaodi wa khamphani o swanetše go tsenya setseka Sekhwameng se.
A bathwadi ka moka ba swanetše go tsenya setseka Sekhwameng se?
Bathwadi ka moka ba ba thwalago motho ofe goba ofe gomme ba ba fa mogolo ka tšhelete goba ka seo e sego tšhelete ba swanetše go ingwadiša Sekhwameng se ge ba se na go thomiša ka ditiro tša go ba bathwadi. Ke boikarabelo bja mothwadi go ngwadiša mošomo le go ntšha tše di nyakegago megolong ya bašomi. Ge mothwadi a ka se dire se, go na le dikotlo tše šoro tše di tla dirišwago go ya ka Molao wa Dikabelo tša Inšorense ya go se Thwalwe, 2002. Ge mothwadi ofe goba ofe a gana go ingwadiša Sekhwameng gomme a sa nyake go ntšha tše di swanetšego megolong, bašomi ba eletšwa go ikopanya le kantoro ya kgauswi ya Kgoro ya tša Mešomo.
Bathwadi ba hlohleletšwa go sepedišana le ditokišetšo tša Molao wo, ka ge Sekhwama se se fana ka kimollo go bao e kilego ya ba bašomi ba bona bao ba šetšego le mekgwa ye e fokotšegilego ya bophedišo goba bao ba se nago mekgwa ya go iphediša ka ge ditirelo tša bona di fedišitšwe.
Ke eng seo se ka tšewago bjalo ka mogolo?
Ditšhelete ka moka tše di hwetšwago go mothwadi, e le tša tšhelete goba e se tša tšhelete. Tšona di akaretša ditefelo tša go šoma morago ga nako ya mošomo le diponase, gomme dikabelo di swanetše go bewa motheong wa tšona. Godimo ga moo, diputseletšo ka moka tše di amogelwago, di tšewa bjalo ka mogolo. Mehlala ya diputseletšo ke diputseletšo tša maeto, diputseletšo tša boitapološo gammogo le diputseletšo tša dijo le madulo. Tshedimošo ye e oketšegilego ka diputseletšo e ka hwetšwa ditseleng tša tlhahlo tša EMP10 tša bathwadi, tšeo di hwetšagalago go Tirelo ya Letseno ya Afrika Borwa (SARS).
Go swanetše go tsenywa bokae Sekhwameng se?
Mošomi o swanetše go tsenya 1% ya mogolo wa gagwe wa kgwedi ka kgwedi. Godimo ga 1% ye e tsenywago ke mošomi, mothwadi le yena o tsenyetša mošomi yo mongwe le yo mongwe wa gagwe 1%. Ka lebaka leo, palomoka ya kabelo yeo e dirwago ke 2%. Go fana ka mohlala, ge mošomi a gola R1 000 ka kgwedi, mothwadi o swanetše go ntšha 1% mogolong wa gagwe ya R1 000, e lego R10. Godimo ga moo, mothwadi o swanetše go lefela mošomi yoo wa gagwe R10. Ka lebaka leo, palomoka ya R20 e swanetše go fetišetšwa go Sekhwama sa Inšorense ya go se Thwalwe goba go ba Ditirelo tša Letseno tša Afrika Borwa go ya le gore ke yeo e lego maleba.
Dikabelo di swanetše go tsenyetšwa kgweding ya bjale fela, gomme mothwadi ga se a dumelelwa go ntšha kabelo ya go feta ya kgwedi e tee. Ge mothwadi a ile a se ntšhe dikabelo tša kgwedi le kgwedi mabakeng a go go feta, gona 2% ya dikabelo tše di šaletšego e swanetše go lefelwa ke mothwadi gomme mošomi ga se a swanela go ntšha kabelo.
Ke neng le bjang mo mothwadi a lefelago setseka sa gagwe go Sekhwama?
Mothwadi o lefela ditseka tše Sekhwameng pele ga letšatši la bošupa la kgwedi ye nngwe le ye nngwe. Ge letšatši la bošupa e se "letšatši la mošomo", tefelo e swanetše go dirwa letšatšing la mafelelo la mošomo goba pele ga lona pele ga letšatši la bošupa. "Letšatši la mošomo" ke letšatši le lengwe le le lengwe leo e sego Mokibelo, Sontaga goba letšatši la maikhutšo. Ka merero ya go lefela ditseka, bathwadi bao ba ngwadišitšwego go ntšha metšhelo le / goba Lekgetho la Tlhabollo ya Mabokgoni (SDL) ba swanetše go lefela ditseka tša bona go Tirelo ya Letseno ya Afrika Borwa (SARS). Bathwadi ba bangwe ba swanetše go lefa ditseka tša bona thwii go Sekhwama se.
Go na le mekgwa ya go fapafapana ya go fetišetša ditefelo tšego Sekhwama se. E ka ba ka go ntšha difefelo akhaonteng ya panka (moo mothwadi a ka dirago dipeakanyo le panka ya gagwe) ka go iša ditefelo thwii pankeng (bona dintlha tša panka ya Sekhwama mafelelong a pukwana ye), ka elektroniki ka go panka ka Inthanete. Bona gape diaterese mafelelong a protšhara ye.
Ditseka tša ngwaga ka ngwaga.
Bathwadi ba ka no lefa palomoka ya ditseka tša ngwaga ge feela tšhelete ye nngwe le ye nngwe e lefelelwa pele.
Palomoka ya ditseka tše di swanetšego go lefelwa e swanetše go dirwa ka gare ga mellwane ya ngwaga wa ditšhelete goba lebaka la boikarabelo, le gona lebakeng la matšatši a 7 morago ga go thoma ga ngwaga woo wa ditšhelete goba lebakeng leo la boikarabelo. "Ngwaga wa ditšhelete" goba "lebaka la boikarabelo" ke lebaka leo le thomago letšatšing la mathomo la Matšhe ngwageng ofe goba ofe, goba go tloga letšatšing la mathomo la boikarabelo ge e le gore letšatši leo le wela lebakeng la ngwaga wa bjale wa ditšhelete, gomme le fela letšatšing la mafelelo la Febereware ngwageng wo o latelago. Mothwadi a ka no se ntšhe kabelo ya mošomi ya palomoka ya setseka se se swanetšego go tsenywa "pele ga lebaka".
Dintšhwa di sa swanetše go dirwa ka nako e tee le mabaka a go lefša ga megolo. Ge mafelelong mothwadi a ka tseba gore tefelo ye nngwe le ye nngwe ye e dirilwego e tlile pele ga nako goba e be e sa swanela go lefša, goba e be e feta tšhelete ye e bego e šaletše goba ye e bego e swanetše go lefša, mothwadi o swanetše go bušetša mošomi tšhelete yeo, goba tšhelete ye e fetilego kelo go ya le ka mo e ntšhitšwego ka gona le go lefelwa go feta tekanyo ke mothwadi, le ge e le gore tšhelete yeo ga se ya bušeletšwa go mothwadi ke Sekhwama sa Inšorense ya go se Thwalwe. Dipušeletšo tšeo di swanetše go nyakwa Sekhwameng sa Inšorense ya go se Thwalwe motheong wa ngwaga ka ngwaga le ka morago ga mafelelo a ngwaga wa ditšhelete wo o lego maleba ditefelong tša ngwaga ka ngwaga fela.
Ge go na le ditlhatlošo tša megolo, se se swanetše go kwanantšhwa ka pela ge go se no ba le ditlhatlošo tša megolo gomme phaphano ye nngwe le ye nngwe magareng a tšhelete ye e swanetšego go lefša le yeo e lefilwego, e swanetše go lokišwa.
Diforomo tša UI-7 di fiwa bathwadi ka moka ba ba thwalago kgwedi ka kgwedi ntle le ge:
boingwadišo bo phumotšwe boingwadišo bo tšerwe bjalo ka tefo ya ngwaga ka ngwaga boingwadišo bo tšerwe bjale ka tefo ya Ditirelo tša Letseno tša Afrika Borwa.
Ge bathwadi ba amogela foromo ya pego ya Ditirelo tša Letseno tša Afrika Borwa (EMP201), se se ra gore ba swanetše go iša ditseka tša bona tša Sekhwama sa Inšorense ya go se Thwalwe go Tirelo ya Letseno ya Afrika Borwa tša mabaka a go tloga go Aporele 2002 go ya pele. Ge e le gore ba amogela le diforomo tša UI-7, se se laetša gore diakhaonte tša bona le Sekhwama ga di a fetošwa go laetša gore ba lefela ditseka tša bona tša Sekhwama sa Inšorense ya go se Thwalwe ka go diriša Tirelo ya Letseno ya Afrika Borwa. Mabakeng a bjale, Sekhwama se swanetše go lemošwa ka nomoro ya tšhupetšo ya Lefa Go Ya Ka Mo O Golago (PAYE) ya dipalo tše lesome, mabapi le mešomo ya bona, gore go dirwe diphetošo tše di nyakegago go thibelwe go romelwa ga ka moso ga diforomo tša UI-7.
Bathwadi ba swanetše go kgonthiša le gore ditseka tša Sekhwama sa Inšorense ya go se Thwalwe di laetšwa go EMP201 le gore ditefelo di fetišetšwa go Tirelo ya Letseno ya Afrika Borwa. Sekhwama se ka se amogele boikarabelo goba sa tsenela dipoledišano le Tirelo ya Letseno ya Afrika Borwa goba bathwadi ge dikotlo le / goba mašokotšo a hlahlotšwa, ge ditefelo di ka išwa go Sekhwama go ena le go Tirelo ya Letseno ya Afrika Borwa.
Go efoga dikotlo le mašokotšo ao a sego bohlokwa, bathwadi ba swanetše go kgonthiša gore ditefelo di fihla go Sekhwama lebakeng le le beilwego, go sa šetšwe gore foromo ya pego ya UI-7 e amogetšwe. Bathwadi ba swanetše go ikopanya le Sekhwama ge ba sa amogele diforomo tša UI-7 ka mehla, goba ge ba di amogela ka mo go fošagetšego.
A bathwadi ka moka ba swanetše go tlatša le go fetiša diforomo tša UI-7 le ge ba lefa ka mokgwa wa elektroniki goba ngwaga ka ngwaga?
Bathwadi ka moka bao ba SA nyakegego gore ba lefe ditseka go Tirelo ya Afrika Borwa ya Letseno, ba swanetše go tlatša le go iša diforomo tša UI-7 go sa šetšwe mokgwa, makga a go lefa goba lefelo la go lefa. Ge go se na foromo, bathwadi ba swanetše go fana ka tshedimošo ya motheo ye e latelago go thibela gore ditseka tše di amogetšwego di abje ka mokgwa wo o fošagetšego goba di se abje le gatee:
Lefelo le mokgwa wa go lefa
Nomoro ya Tšhupetšo ya Sekhwama sa Inšorense ya go se Šome
Lebaka la nako leo le lefelwago le tšhelete yeo e lefšago.
Ke boikarabelo bja bathwadi go hwetša tšhelete ye e swanetšego go lefela Sekhwama. Bathwadi ba ka se fiwe diforomo tše di laetšago ditseka tše di swanetšego go lefša.
Sekhwama se tseba bjang gore ditseka di amogelwa go tšwa kae?
Sekhwama se hlomile seroto sa tshedimošo sa mothwadi/mošomi seo ka go sona dintlha ka moka tša thwalo ya bašomi di lotilwego. Ke boikarabelo bja mothwadi go romela dintlha tša bašomi ga gagwe ka moka go Sekhwama gore go seroto sa tshedimošo se beakanywe kgwedi ka kgwedi goba ge go na le phetogo dintlheng tša mošomi. Dintlha tša mošomi di beilwe ka serotong sa tshedimošo, gomme ge motho yoo a thoma go se thwalwe, Sekhwama se ka šoma kgopelo yeo ntle le tiego. Ka lebaka leo go bohlokwa kudu gore bathwadi ba romela dintlha tša bašomi ba bona go Sekhwama, gore seroto sa tshedimošo se beakanywe.
Sekhwama se na le mekgwa ya go fapafapana ya go dira gore bathwadi ba romele tshedimošo ya bašomi ba bona go Sekhwama. Yona e akaretša go romela tshedimošo ka matsogo (UI-19) go Sekhwama ga bathwadi bao ba se nago mananeo a go godiša ka mokgwa wa elektroniki. UI-19 ke foromo ye e swanetšego go dirišwa ke bathwadi go fetiša tshedimošo ka ga bašomi ba bona go seroto sa tshedimošo sa Sekhwama. Foromo ye e hwetšagala websaeteng le ka dikantorong tša profense le ka mafelong a tša mešomo a Kgoro ya tša Mešomo. Bathwadi ba kgwebo bao ba nago le mananeo a megolo a elektroniki ba ka romela tshedimošo ya bona go seroto sa tshedimošo ka mokgwa wa elektroniki ka sebopego se se beilwego go declarations@uif.gov.za. Go hwetša dintlha mabapi le mokgwa wo o beilwego, ake o bone lengwalo la tlhaloso websaeteng ka tlase ga lenaneo la Employers Info – Declaration Specification. Bathwadi ba bašomi ba ka malapeng ba swanetše go tlatša foromo ya UI-19 ya bašomi ba ka malapeng ye swanetšego go romelwa ka e-mail go domestics@uif.gov.za.
A bathwadi ka moka ba swanetše go fetiša dipego tša kgwedi ka kgwedi?
Ee, bathwadi, go akaretšwa le bao ba nyakegago gore ba lefe ditseka tša bona ka Tirelo ya Letseno ya Afrika Borwa, ba swanetše go dira bjalo. Bathwadi ka moka ba swanetše go bega diphetogo dife goba dife tshedimošong ka ga bašomi ba bona, ka pela ge diphetogo tšeo di se na go ba gona. Ge diphetogo di eba gona kgwedi ka kgwedi, gona dipego di swanetše go fetišwa kgwedi ka kgwedi.
A bathwadi ba ba lefago ngwaga ka ngwaga ba swanetše go fetiša dipego?
Ee, ga tee ka ngwaga goba ge go eba le diphetogo tshedimošong ka ga bašomi.
Sekhwama se tla tseba bjang gore sego lefa bokae ge o se sa šoma.
Kelo yeo ka yona dikholego di lefšago e ya ka kelo yeo e nabago go tloga go 38%- 58%
Meputso e fiwa bašomi ge ba šoma gomme ba tsenya ditseka go Sekhwama. Dintlha tšeo di hwetšwa ka mokwa wo o latelago: Matšatšing a mangwe le a mangwe a tshelelago ao o šomago bjalo ka yo a tsenyago setseka, o amogela moputso wa letšatši le tee go ya ka maksimamo wa matšatši a 238. Gore o swanelege go hwetša meputso ye e tletšego e 238. O swanetše go ba o ile wa šoma bjalo ka yo a tsenyago setseka lebaka la mengwaga ye mene.
Mošomi o tšewa go ba yo a tsentšego setseka Sekhwameng go tloga letšatšing la mathomo la go thwalwa go fihla letšatšing leo ka lona tirelo ya gagwe e fedišwago. Lebaka la temošo leo a le šomago pele a fetša tirelo ya gagwe le lona le tšewa bjalo ka lebaka la go thwalwa. Le ge go le bjalo, go swanetše go hlokomelwa gore bašomi ba ka malapeng ba tšewa e le bao ba tsenyago setseka Sekhwameng se go tloga ka la 1 Aporele 2003.
Molaophetošwa wa Inšorense ya go se Thwalwe, 2003 le wona o hlokometše mabaka a bathwadi ba go feta o tee ba bašomi ba ka malapeng gomme o tliša kgopolo ya go thwalwa go go sa tlalago go bašomi ba ba šomelago bathwadi ba go feta o tee.
Molao wo o kgonagatša gore dikholego di lefelwe ge mogolo wa mošomi o wela ka tlase ga kelo ye e itšego ya woo a bego a o gola peleng ge a be a sa thwetšwe ke malapa ka moka, mohlala, ge mošomi wa ka lapeng a šomela malapa a mararo, gomme palomoka ya mogolo wa gagwe e le R600, 00 gomme a lahlegelwa ke mogolo wa lapa le tee wa R200,00, o swanelega go hwetša dikholego, ka ge lebakeng la bjale, a hwetša fela R400,00 bjalo ka mogolo.
Ke thwalo fela ye e lobilwego dikgweding tše tshelelago tša mafelelo go tloga letšatši kgweding le le tlago pele ga kgopelo, yeo e tla elwago hloko ge go tšewa sephetho sa gore mošomi wa ka lapeng o thwetšwe ka botlalo goba aowa. Gape go bašomi ba ka malapeng letšatšikgwedi la lehu la mothwadi le tla tšewa bjalo ka letšatšikgwedi la go se thwalwe. Kelo ya tšhelete yeo e lefelwago e tla bewa ke pego ya mafelelo ya mothwadi gomme ge go se na pego, mohlankedi wa dikleime o tla bea dikholego tšeo di lego motheong wa taetšo ye e lego gona ye e ngwadilwego yeo e išitšwego go mohlankedi wa dikleime.
Go direga eng ge mogolo o fapafapana/fetogafetoga?
Ge mogolo o fapafapana / fetogafetoga ka kgwedi le kgwedi goba beke le beke, gona palogare ya mogolo wa dikgwedi tša mafelelo tše tshelelago e swanetše go dirišwa go hwetša kelo ya dikholego tše di swanetšego go lefelwa.
Sekhwama se fana ka mehuta efe ya dikholego?
Sekhwama se fana ka mehuta ye mehlano ya dikholego:
Dikholego tša go se Thwalwe
Karolo ya 17
Dikholego tša Bolwetši (Karolo ya 22)
Dikholego tša Boimana (Karolo ya 25)
Dikholego tša go itlhokomelela ngwana yo e sego wa madi (Karolo ya 28)
Dikholego tša Bahlokomelwa (lehu) (Karolo ya 31)
Dikholego tša go se Thwalwe
Dikgopelo tša dikholego di swanetše go dirwa lebakeng la dikgwedi tše tshelelago morago ga go fedišwa ga tirelo
Dikholego di lefelwa go tloga ka letšatši la go dira kgopelo
Dikholego di lefelwa fela ge go se thwalwe go tšea matšatši a 14
Dikholego di lefelwa fela ge mothwadi a fediša tirelo ya motsenyasetseka. Ge mošomi a fediša mošomo wa gagwe, a sa tle mošomong, ga go dikholego tše di lefelwago ntle le ge go fedišwa ga mošomo go tšewa gore o rakilwe mošomong
Dikholego di lefelwa ge mothwadi wa mošomi wa ka lapeng a hlokofala
Dikholego di lefelwa ge khamphani e ewa
Motsenyasetseka o swanetše go ngwadišwa ka lefelong la kgauswi la tša mešomo bjalo ka motho yo a nyakago mošomo go ya ka Molao wa Tlhabollo ya Mabokgoni, 1998, gore a swanelege go hwetša dikholego tša go se thwalwe. Motsenyasetseka o swanetše go ka kgona le go hwetšagala gore a šome
Motsenyasetseka o swanetše go ipega ka dinako le mafelong ao a bewago ke mohlankedi wa dikleime ka morero wa go saena rejistara ya go se thwalwe
Motsenyasetseka o swanetše go tsenela tlhahlo le keletšo ya mošomo ge a laetšwe ke mohlankedi wa dikleime. Ge motsenyasetseka a gana go tsenele tlhahlo ntle le lebaka, a ka se swanelege go fiwa dikholego
Go ya ka meputso, dikholego di ka lefelwa go fihla maksimamong wa matšatši a 238 lebakeng le lengwe le le lengwe la mengwaga ye mene.
Dikholego tša Bolwetši
Dikgopelo tša dikholego di swanetše go dirwa lebakeng la dikgwedi tše tshelelago gore mošomi o tlogetše mošomo ka lebaka la bolwetši
Dikholego di thoma go lefša ka letšatši leo mošomi a thomago go se sa šoma ka lebaka la bolwetši
Setifikeiti sa kalafo se swanetše go tlišwa go thekga gore mošomi o tlogetše mošomo ka lebaka la bolwetši
Dikholego tše di lefelwago ke phapang magareng a seo se lefelwago ke mothwadi le kelo ye e beilwego ka skeduleng sa Molao wa Inšorense ya go se Thwalwe. Ge go elwa hloko kelo ye e lefšago ke mothwadi le kelo ye e beilwego ke skedule sa dikholego, palomoka ya tšhelete ye e amogelwago ga se ya swanela go feta 100% ya mogolo wa mehleng wo motho a ka bego a o amogetše ge a ka be a ile a se tlogele mošomo
Dikholego di lefelwa fela mabakeng a bolwetši ao a fetago matšatši a 14
Go ya ka meputso, dikholego di ka lefelwa go fihla maksimamong wa matšatši a 238 lebakeng le lengwe le le lengwe la mengwaga ye mene.
Dikholego tša Setswetši
Kgopelo ya dikholego tša setswetši e swanetše go dirwa mo e sego ka morago ga dibeke tše seswai pele ngwana a belegwa, goba lebakeng la dikgwedi tše tshelelago morago ga go belegwa ga ngwana
Dikholego di lefelwa motsenyasetseka wa mosadi lebakeng la ge a imile, a le ka phapošeng ya botswetši goba lebakeng la morago ga moo
Dikholego tše di lefelwago ke phapang magareng a seo se lefšago ke mothwadi le kelo ye e beilwego ka skeduleng sa Molao wa Inšorense ya go se Thwalwe. Ge go elwa hloko kelo ye e lefšago ke mothwadi le kelo ye e beilwego skeduleng sa dikholego, palomoka ya tšhelete ye e amogelwago ga se ya swanela go feta 100% ya mogolo wa mehleng woo motho a ka bego a o hweditše ge a ka be a satlogela mošomo
Go ya ka meputso, dikholego di ka lefelwa go fihla maksimamong wa matšatši a lekgolo le masomepedi-tee. Kgopelo ya dikholego tša setswetši ga e ame ditokelo tša motsenyasetseka tša dikholego tša go se thwalwe. Se se ra gore mošomi a ka no holega ka go amogela dikholego tša go se thwalwe ge a ka se thwalwe
Ge motswadi a ka goma tseleng, goba ngwana a belegwa a sa felela, gona dikholego di lefelwa maksimamo wa dikgwedi tše tshelelago morago ga go goma tseleng/go se felele.
Dikholego tša go itlhokomelela ngwana yo e sego wa madi
Kgopelo ya dikholego e swanetše go dirwa lebakeng la dikgwedi tše tshelelago morago ga letšatšikgwedi la gore taelo ya go boitlhokomeledi bja ngwana yo e sego wa madi e ntšhwe ke Kgoro ya Tsheko ye e amegago
Ngwana yo a itlhokomelelwago ga se a swanela go ba bogolo bja go feta mengwaga ye mebedi
Ke motsenyasetseka o tee fela go batswadi ba babedi yo a ka dirago kgopelo ya dikholego
Ngwana o swanetše go itlhokomelelwa go ya ka Molao wa Tlhokomelo ya Bana, 1983
Lebaka leo go sa šongwego le swanetše go dirišetšwa go hlokomela ngwana yoo
Dikholego di lefelwa go tloga ka letšatšikgwedi leo Kgoro ya Tsheko e ntšhago taelo ya Boitlhokomeledi bja Ngwana
Dikholego tše di lefelwago ke phapang magareng a se se lefšago ke mothwadi le kelo ye e beilwego ka skeduleng sa dikholego. Mo le gona gape, ge go elwa hloko kelo ye e lefelwago ke mothwadi le kelo ye e beilwego ka skeduleng sa dikholego, palomoka ya tšhelete ye e amogelwago ga se ya swanela go feta 100% ya mogolo wa mehleng wo motho a ka bego a o hweditše ge a ka be a sa tlogela mošomo
Go ya ke meputso, dikholego di ka lefelwa go fihla maksimamong wa matšatši a 238 lebakeng le lengwe le le lengwe la mangwaga ye mene.
Mogatša wa yo a šalago goba molekani wa bophelo o swanetše go dira kgopelo ya dikholego lebakeng la dikgwedi tše tshelelago. Ngwana yo a hlokometšwego a ka dira kgopelo ya dikholego ge mogatša yo a šalago goba molekani wa bophelo a se a dira kgopelo lebakeng la dikgwedi tše tshelelago morago ga go hlokofala ga motsenyasetseka
Dikholego di lefelwa mogatša yo a šalago goba molekani wa bophelo wa motsenyasetseka yo a hlokofetšego, ge kgopelo e dirilwe
Kgopelo e swanetše go dirwa foromong ye e beilwego lefelong la geno la kgauswi. Ngwana ofe goba ofe yo a hlokometšwego wa bogolo bja ka tlase ga mengwaga ye masomepedihlano, o swanelega go ka hwetša dikholego ge go se na mogatša yo a šalago
Go ya ka meputso, dikholego di swanetše go lefša go fihla maksimamong wa matšatši a 238 lebakeng lefe goba lefe la mengwaga ye mene
Dikholego tše di lefelwago di lekana le dikholego tša go se thwalwe, tšeo di ka bego di lefilwe ge motsenyasetseka a ka be a sa phela.
Ge motsenyasetseka a amogela thušo ya Mmušo ya Phenšene ya Leago ya kgwedi ka kgwedi (go sa akaretšwe thušo ya go se itekanele mmeleng goba ya tlhokomelo). Phenšene ya go tšwa go Mmušo ya kgwedi ka kgwedi e ra thušo ye e fiwago batšofadi go tšwa go Mmušo go ya ka Molao wa Thušo ya Leago bjalo ka ge o fetošitšwe:
Ge motsenyasetseka a amogela tefo go Sekhwama sa Phumolameokgo ka labaka la bolwetši goba dikgobalo tšeo di bakilego go se thwalwe ga lebakanyana goba ga lebaka ka moka ga motsenyasetseka.
Ge motsenyasetseka a amogela dikholego go tšwa sekhwameng sefe goba sefe sa go se thwalwe goba sekemeng se se hlomilwego go ya ka Molao wa Dikamano tša Mešomo
Ge motsenyasetseka a sa se sepedišane le ditokišetšo tša Molao wa Inšorense ya go se Thwalwe
Ge motsenyasetseka a fegilwe dikamogelong tša dikholego ka ge a be a šoma mola a hwetša le dikholego goba a dirile bomenetša bjo bo amanago le Sekhwama sa Inšorense ya go se Thwalwe
Go rarollwa ga dikgakgano
Sekhwama sa Inšorense ya go se Thwalwe se hlomile Dikomiti tša Dilete tša Diaphili go šomana le dikgakgano ka diprofenseng ka moka. Moholegi yo a kgopišitšwego a ka tsenya aphili ka go fetiša foromo ye e tladitšwego (UI 12) ka go e tliša ka boyena goba ka go e romela ka poso ye e rejistarilwego kgahlanong le sephetho sa Mokomišenare goba mohlankedi wa dikleime go ya ka karolo ya 31 go Komiti ya Selete ya Diaphili ka mafelong maleba a tša mešomo a Kgoro ya tša Mešomo.
Boikarabelo bja mothwadi ke bofe morago ga go fedišwa ga tirelo ya mošomi?
Foromo ya UI-19 goba ya UI-19D e swanetše go tlatšwa le go bušetšwa go Sekhwama goba go efe goba efe ya dikantoro tša Kgoro ya tša Mešomo
Tshedimošo ka ga mošomi goba bašomi ba ba amegago e tla beakanywa go laetša seemo sa bjale
Go se tliše foromo ya UI-19 goba ya UI-19D go ka baka ditiego mabapi le go šongwa ga dikleime tša go se thwalwe goba dikholego tše dingwe
Eletša bao e kilego ya ba bašomi go ya dikantorong tša kgauswi tša Kgoro ya tša Mešomo.
Mothwadi o fediša bjang boingwadišo Sekhwameng?
Bathwadi ba ka ikopanya le Sekhwama goba le efe goba efe ya dikantoro tša Kgoro ya tša Mešomo gomme ba kgopele gore boingwadišo bo phumolwe. Noromo ya tšhupetšo ya Sekhwama sa Inšorense ya go se Thwalwe le letšatšikwedi leo boikarabelo bo fedišitšwego, di swanetše go tsopolwa mabakeng ka moka. UI-19 yeo e beakantšwego e swanetše go išwa go Sekhwama ge kgwebo e tswalelwa.
Mothwadi a ka ngwadiša mošomo o moswa bjang go Sekhwama?
Diforomo tša boingwadišo tša UI-18 le UI-8D (Boingwadišo bja Mothwadi) le UI-19 le UI-19D (Boingwadišo bja Bašomi) di ka hwetšwa go tšwa websaeteng, goba di ka hwetšwa gape le go Sekhwama goba kantorong efe goba efe ya kgauswi ya Kgoro ya tša Mešomo
Diforomo tše di tladišwego ga di gapeletšege go romelwa go Sekwama sa Inšorense ya go se Thwalwe go ngwadiša, eupša di ka išwa kantorong efe goba efe ya kgauswi ya Kgoro ya tša Mešomo gore go ngwadišwa go phethwe, goba
Bathwadi ba ka diriša le senolofatši se se kgethegilego sa fekese ka go retha 086 712 2000
Boingwadišo bo ka dirwa ka mogala go 337 1680
Diforomo tše di tladitšwego di ka romelwa go UIF Pretoria, 0052. Ake o hlokomele gore poso e a lefelwa dilong ka moka tše di romelwago ka poso go Sekhwama.
Boingwadišo bjo bo tla tšea lebaka le lekae?
Boingwadišo ka moka bo tla phethwa lebakeng la diiri tše 48 ge diforomo tša go dira kgopelo di se na go amogelwa.
Mothwadi o tla tseba bjang ge e le gore mošomi wa gagwe o ngwadišitswe Sekhwameng?
Ge UI-19 ye e tladitšwego e fetišitšwe mabapi le bašomi bao ba thwetšwego ke mothwadi, tiišetšo ya boingwadišo e tla romelwa.
A bašomi ba fiwa dinomoro tša tšhupetšo tše di fapanego?
Nomoro ya tšhupetšo e fiwa mothwadi gomme bašomi ka moka bao ba šomelago mothwadi yoo ba "gomaretšwa" go nomoro ya tšhupetšo ya mothwadi. Ge go na le dipotšišo, go bohlokwa gore nomoro ya tšhupetšo ya mothwadi gammogo le Nomoro ya Boitsebišo ya mošomi di tsopolwe.
Ge kgwebo e šetše e ngwadišitšwe Sekhwameng, a nomoro e tee ya tšhupetšo e ka dirišwa go ngwadiša mošomi wa ka lapeng?
Aowa. Mošomi wa ka lapeng o swanetše go ngwadišwa ka mo go fapanego.
Dintlha tše di latelago di swanetše go hlokomelwa:
Molao wa Go Tsenya Ditseka tša Inšorense ya go se Thwalwe, 2002 (Molao wa Nomoro ya 2 wa 2002) o hlaloša "mošomi wa ka lapeng" bjalo ka mošomi yo a dirago mošomo wa ka lapeng la mothwadi wa gagwe gomme se se akaretša mošomi wa ka serapaneng, motho yo a thwetšwego ka lapeng bjalo ka mootledi wa sefatanaga goba motho yo a hlokometšego motho ofe goba ofe ka lapeng leo, eupša go sa akaretšwe mošomi wa polaseng
Go ya ka molao wo o boletšwego, bašomi ba ka malapeng le bathwadi ba bona ba ba le boikarabelo bja go tsenya setseka go Sekhwama sa Inšorense ya go se Thwalwe go tloga ka Aporele 2003. Boingwadišo bo ka se balelwe go tloga morago
Ge lapa le tee le thwala bašomi ba ka lapeng ba go feta o tee, go nyakega boingwadišo bo tee fela bja mothwadi wa mošomi wa ka lapeng
Ge mošomi wa ka lapeng a thwetše ke bathwadi ba go feta o tee, mothwadi yo mongwe le yo mongwe o swanetše go mo ngwadiša gomme a kgonthiše gore mošomi wa ka lapeng o ngwadišitšwe. Se se sa tšwago go bolelwa se ama gape le baemedi goba balekodi ba dipuku bao ba sepedišago merero ya bathwadi ba bašomi ba ka malapeng ba ba fetago o tee
Maingwadišo a mabedi a nyakega gape le moo mothwadi wa kgwebo e lego gape mothwadi wa mošomi wa ka lapeng. Boingwadišo le tefelo ya ditseka tša bašomi ba ka malapeng di ka se akareletšwe go ditefelo tša mešomo ya kgwebo
Batho ba ba thwetšwego ke dikgwebo tše di dirwago ka magaeng a poraebete ga ba tšewe bjalo ka bašomi ba ka malapeng
Batho ba ba thwetšwego ke dikhamphani bjalo ka bašomi ba ka dirapaneng goba bahlwekiši ba ka mafelong a go dula le bona ga ba tšewe bjalo ka bao ba thwetšwego ka magaeng a poraebete
Dikhamphani, dikgwebo tša batho ba se bakae, Madirišano le Mekgatlo ye mengwe ya tirišano ya kgwebo, ga se bathwadi ba bašomi ba ka malapeng
Go tšewa e le bomenetša ge baholegi bao ba amogelago dikholego ba boela mošomong, eupša ba sa tsebiše Sekhwama ka ga maemo a bona a maswa gomme ba tšwela pele go hwetša dikholego.
Mangwalo ao a swanetšego go ba gona ge bašomi ba dira dikgopleo tša dikholego tša Sekhwama sa Inšorense ya go se Thwalwe:
Dikholego tše di Tlwaelegilego
Dikholego tša Setswetši
Dikholego tša Bolwetši
Dikholego tša go Itlhokomelela Ngwana
Pukwana ya Boitsebišo ya RSA ya dipalo tše 13
Pukwana ya Boitsebišo ya RSA ya dipalo tše 13 goba pasporoto
Pukwana ya Boitsebišo ya RSA ya dipalo tše 13 goba pasporoto
Pukwana ya Boitsebišo ya RSA ya dipalo tše 13 goba pasporoto
Pukwana ya Boitsebišo ya modirakgopelo ya dipalo tše 13 goba pasporoto
Pukwana ya Boitsebišo ya mohu ya dipalo tše 13 goba pasporoto
Dintlha tša go panka (UI-2.8)
Dintlha tša go panka (UI-2.8)
Dintlha tša go panka (UI-2.8)
Dintlha tša go panka (UI-2.8)
Dintlha tša go panka (UI-2.8)
UI-19 (ge go le maleba)
Foromo ya UI-2.7 ye e tladitšwego (ge go le maleba)
UI-19 (ge go le maleba)
Foromo ye e tladitšwego ya UI-2.7
UI-19 (ge go le maleba)
Foromo ye e tladitšwego ya UI-2.7
Taetšo ya boingwadišo bjalo ka monyakamošomo
Foromo ya go dira kgopelo ya UI-2.3
Setifikeiti sa kalafo sa ngaka
Foromo ya kgopelo ya UI-2.4
Setifikeiti sa lenyalo
Setifikeiti sa ngaka sa lebaka leo le letetšwego la go dula ka ntlong ga molwetši goba la botswetši, setifikeiti sa matswalo
Pego ya kalafo ye e tiišetšago (ge e le maleba)
Sertifikeiti sa lehu sa mohu (ge e le maleba) motsenyasetseka (kgopelo e ka se elwe hloko ge e na le setifikeiti sa lehu sa naga e šele. Go tla amogelwa fela taelo ya poloko ya Afrika Borwa ye e ntšhitšwego ke Kgoro ya Merero ya ka Gare ga Naga)
Go tla ntšhwa foromo ye e latišišago ya UI-4
Foromo ye e latišišago
Khopi ye e tiišeditšwego ya setifikeiti sa matswalo sa ngwana yo a itlhokomelelwago yo e sego wa madi
Lengwalo la magadi (ge le le maleba)
Khopi ye e tiišeditšwego ya taelo ya go itlhokomelela ngwana
Setifikeiti sa matswalo (Setifikeiti sa mohlokomelwa) ge se le maleba
Taetšo ya go tsena sekolo (e tla ba maleba go bahlokomelwa ka moka bao ba lego magareng a mengwaga ya 21 le 25)
Bohlatse bjo bo enetšwego (molekani wa bophelo)
Mabakeng ka moka, badirakgopelo ka moka ba Sekhwama sa Inšorense ya go se Thwalwe ba swanetše go gopola gore:
Ba dule ba bolokile Pukwana ya bona ya Boitsebišo ya dipalo tše 13 ya Repabliki ya Afrika Borwa le pasporoto
Ba tsebiše mohlankedi wa dikleime ge e le gore ba thomile go šoma mola ba amogela dikholego tša Sekhwama sa Inšorense ya go se Thwalwe ka nako e tee
Go kgahlanong le molao go šoma le go hwetša dikholego ka nako e tee
Ba ipege dinakong le matšatšing ao a beilwego ke mohlankedi wa dikleime ge ba eleditšwe go dira bjalo
Ba se ke ba dira dipego tša bofora
Ba se ke ba letela go fihla ba šiilwe ke nako kudu pele ba ka dira dikgopelo tša dikholego
Ba se ke ba letela go amogela dikholego dife goba dife tša Sekhwama sa Inšorense ya go se Thwalwe ge ba tlogela mešomo
Ba se ke ba dira dikgopelo tša bomenetša tša dikholego
Ba se ke ba gana ntle le lebaka go tsenela tlhahlo le keletšo ya mošomo ge ba thwalwa
Ba se ke ba ipeela thoko gomme ba hlokomologa ditaelo tša kholofetšo ya kleime.
Dintlha tša panka tša Sekhwama sa Inšorense ya go se Thwalwe.
HLOKOMELA: Bathwadi ka moka bao ba sa nyakegego gore ba ingwadiše le Tirelo ya Letseno ya Afrika Borwa (SARS) ka merero ya PAYE goba ya SDL ba swanetše go romela ditseka tša bona thwii go Sekhwama sa Inšorense ya go se Thwalwe. Dintlha tša panka tša Sekhwama sa Inšorense ya go se Thwalwe di ka dirišwa go panka dipeeletšo tša Sekhwama sa Inšorense ya go se Thwalwe:
Legoro
Bathwadi ba bašomi ba ka lapeng fela
Bathwadi ba tša kgwebo
Bathwadi ka moka
Bathwadi ka moka
Bathwadi ka moka
HlOKOMELA: Mabakeng ka moka kgonthiša gore nomoro ya gago ya tšhupetšo ya Sekhwama sa Inšorense ya go se Thwalwe e tlatšwa setlankaneng sa go boloka tšhelete ge go dirwa tefelo.
Aterese ya lefelo
Aterese ya Poso:
Mogala: 012 422 4000
Dikantoro tša diprofense le mafelo a tša mešomo
Kantorokgolo ya Sekhwama sa Inšorense ya go se Thwalwe (UIF)
Mogala 337 1700
Kantoro ya Profense Kapa Bohlabela
Mafelo a tša mešomo
Mafelo a tša mešomo
Kantoro ya Profense Leboa la Gauteng
Mafelo a tša mešomo
Kantoro ya Profense Borwa bja Gauteng
Mafelo a tša mešomo
Mafelo a tša mešomo
Mafelo a tša mešomo
Mafelo a tša mešomo
Kantoro ya Profense Kapa Leboa:
Mafelo a tša mešomo
Mafelo a tša mešomo
Taung Mogala: 994 1679
Kantoro ya Profense Kapa Bophirima
Mafelo a tša mešomo
